Gazeta Si - Stadiumi i ri i Korçës i është besuar studios daneze ‘CEBRA’, projekti i së cilës ka dalë fitues në konkursin e ditës së martë. Projekti në fjalë është zgjedhur si më i miri për atë që është konceptuar si një qendër e re e qytetit juglindor. Stadiumi do të jetë në harmoni me Parkun Olimpik të Korçës.
Është një projekt që ruan të paprekur zonën përreth. Kapaciteti i stadiumit të ri pritet të jetë rreth 10 mijë vende, ndërsa kostoja kap shifrën e rreth 30 milionë eurove.
Me krijimin e këtij kompleksi, pasi nuk është vetëm stadiumi, në Korçë mund të zhvillohen aktivitete të rëndësishme, ndërkohë që i shërben qytetit edhe në planin ekonomik, sepse klube të huaja mund të zhvillojnë aty përgatitjet verore, duke qenë se klima është e favorshme.
Përveç stadiumit të Korçës, qeveria shqiptare dhe Federata Shqiptare e Futbollit kanë planifikuar të transformojnë edhe stadiumet e Vlorës dhe Durrësit, si dhe stadiumin “Selman Stërmasi” në kryeqytet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.