.png)
Zëvendësdrejtori i Policisë së Kosovës për rajonin e veriut, Veton Elshani ka folur para mediave lidhur me situatën e sigurisë në katër komunat, ku po zhvillohet procesi i votimit për shkarkimin e kryetarëve aktualë shqiptarë.
Elshani ka thënë se situata e sigurisë në veri të vendit është e qetë, e qëndrueshme por edhe delikate, duke marrë parasysh ngjarjet që kanë ndodhur nga viti 2022 e deri tani.
Sa i përket procesit të sotëm të votimit, Elshani u shpreh se çdo gjë është në rregull dhe nuk ka pasur asnjë incident.
“Policia është e involvuar në planifikimin e ditës së referendumit të sotëm, që do të thotë se edhe dje edhe sot ne jemi në vazhdimësi në bashkëpunim me KQZ-në. Nuk kemi vënë re ndonjë problem. Nuk kemi parashikime se mund të ketë. Nuk kemi as informacione nga inteligjenca nëse ka mundësi për tensione”, ka deklaruar Elshani.
Zëvendësdrejtori i policisë shtoi se në rast nevoje, ka mjaftueshëm policë për të reaguar në mënyrën e nevojshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
