.png)
"Kështu jeton Schumacher sot"! Me këtë titull, kopertina e prestigjiozes “Bild” rindez shpresat e lexuesve të saj për një rifillim të mundshëm të kampionit të Formula 1, pesë vjet nga incidenti i tmerrshëm në pistën e skive në Meribel në Francë dhe vetëm pak ditë në prag të 50-vjetorit të tij të lindjes.
Rreth 10 "ekspertë të rehabilitimit" - përfshirë fizioterapistët, infermierët dhe kujdestarët - ndihmojnë familjen Schumacher për të asistuaar Michael.
Në pesë vitet e fundit, zyra e vjetër e Schumit është shndërruar në një dhomë spitalore super të pajisur. "Asgjë nuk është marrë për të shpejtuar shërimin e Schumacher", - thotë Bild, i cili raporton se, ndër të tjera, Michael dëgjon zhurmën e makinës së tij të vjetër të garave. "Pyetjes se si Schumacher është sot, nuk ka përgjigje të shpejtë", thotë Bild, duke shtuar se kampioni i Ferrarit nuk është më në rrezik për jetën.
"Por ka një arsye pse Schumacher nga aksidenti i pesë viteve më parë nuk është më në gjendje të dalë në publik," shkruan tabloidi, duke lënë një atmosferë të misterit.
Prandaj gazeta e përditshme gjermane pasqyron mendimin e një neurobiologu të Max-Planck Institut, Tobias Bonhoeffer, i cili thotë se "në përgjithësi këputja e indeve nervore në tru apo palcës kurrizore nuk mund të riparohet. Ky është dallimi me të gjitha indet e tjera njerëzore të tilla si lëkurë apo mëlçisë, qelizat e të cilave rigjenerohen", dhe se në qoftë se në disa raste të caktuara incidentesh, disa qeliza zëvendësojnë punën e atyre të dëmtuara, “në rastin e një dëmtimi të rëndë në tru, si ai që me sa duket i ka ndodhur Schumacher, nuk ka qeliza nervore të mjaftueshme që mund të bëjnë punën e të tjerëve".
Për gruan e Schumacher, Corinna, “unë kam një konsideratë të lartë, - thotë shkencëtari, - dhe ajo është për t’u admiruar për mënyrën se si e përballon këtë situatë të vështirë dhe për mënyrën se si nuk komunikon asnjë informacion mbi shëndetin e Michael Schumacher".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
