Gazeta Si – Kristjan Asllani ishte ndër të paktat gjëra pozitive për Interin në disfatën 0-1 ndaj Moncës në kampionat. Futbollisti shqiptar bëri një paraqitje të mirë për 70 minutat që ishte në fushë.
Shtypi sportiv italian e ka vlerësuar Asllanin me notat 6 dhe 6.5, që ishte edhe më e larta për lojtarët e Interit. Mes të tjerash, specialistët kanë vlerësuar personalitetin e mesfushorit kuqezi dhe vertikalizimet që ai u mundua të bënte në lojë.
Ideja e përgjithshme në opinionin sportiv italian është se Asllani meriton më shnumë nga sa trajneri Simone Inzagi i ka dhënë deri tani. Futbollisti shqiptar ka treguar rritje në ndeshjet e fundit që është aktivizuar, duke vërtetuar në një farë mënyre se trajneri ka gabuar me të.
Kristjan Asllani foli shkurt për faqen e Interit para ndeshjes me Moncën, duke theksuar se skuadra zikaltër duhet të mbrojë me çdo kusht fitoren ndaj Benfikës për të shkuar në gjysmëfinale të Championsit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.