.png)
Gazeta Si – SPAK ka marrë të pandehur Izmir Sakicën, Samuel Troshanin dhe Franko Lekën, të cilët akuzohen për organizim dhe planifikim të vrasjes së Aleksandër Prendit dhe familjarëve të tij.
Ngjarja ndodhi në fshatin Rranxë, ku plani i atentatorëve nuk u realizua, pasi Aleksandër Prendi ka qëlluar mbi ta me armë zjarri, duke parandaluar sulmin.
SPAK ka ngritur akuzat për vrasje në rrethana cilësuese, të mbetur në tentativë, sigurim kushtesh për kryerjen e vrasjes dhe armëmbajtje pa leje, të gjitha në kuadër të grupit kriminal.
Ndërkohë, edhe Aleksandër Prendi akuzohet për vrasje në tentativë. Franko Leka dhe Prendi vazhdojnë të jenë në kërkim nga autoritetet.
Sipas hetimeve, Sakica, Troshani dhe Leka, të cilët dyshohen si anëtarë të grupit “Bajri”, së bashku me persona të tjerë me makina të blinduara, u nisën drejt Bushatit për të sulmuar familjen Prendi.
Por sapo mbërritën në Bushat, Aleksandër Prendi i pikasi dhe hapi zjarr ndaj makinave të blinduara. SPAK thotë se në vendngjarje pati shkëmbim zjarri mes palëve pasi u sekuestruan gëzhoja të ndryshme, ndërsa ende nuk është zbardhur shkaku i përplasjes së armatosur.
Për këtë ngjarje, në burg ndodhen vetëm Izmir Sakica dhe Samuel Troshani, të cilët zgjodhën të vetëdorëzohen në polici, pasi ishin në kërkim për një sherr të ndodhur në Shkodër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje