.png)
Gazeta Si - Kryeminisrti Edi Rama ka shprehur ngushëllimet për viktimat e aksidentit tragjik të dy trenave në Greqi.
Përmes një postimi në Twitter, kryeministri Rama shpreh keqardhjen për humbjen e jetëve dhe për të plagosurit në aksidentin tragjik në Greqi.
Kryeministri Rama shkruan se Shqipëria ndjen dhimbjen e fqinjve tanë në këtë moment kaq të vështirë për kombin e tyre, teksa shton se bashkohemi në lutejet e tyre dhe në ngushëllimet për familjet e viktimave.
So sad to hear about the loss of lives and the many wounded people on the last night tragic accident in Greece! We feel the pain of our dear neighbours in such a heavy hour for their nation and join them in their prayers and in the condolences to the families of the victims🇦🇱😥🇬🇷
— Edi Rama (@ediramaal) March 1, 2023
“Sa keq të dëgjosh për humbjen e jetëve dhe shumë të plagosur në aksidentin tragjik të natës së kaluar në Greqi! Ne ndjejmë dhimbjen e fqinjëve tanë të dashur në një moment kaq të rëndë për kombin e tyre dhe i bashkohemi në lutjet e tyre dhe në ngushëllimet për familjet e viktimave”, shkruan Kryeministri Rama në Twitter.
Presidenti i Shqipërisë Bajram Begaj, ka reaguar në rrjetet sociale në lidhje me tragjedinë në Greqi ku dy trena u përplasën.
“I tronditur nga tragjedia e përplasjes së trenit në Greqinë fqinje”, shkruan Begaj. Më tej ai u shpreh ngushëllime familjeve të viktimave dhe u uron shërim të shpejtë të mbijetuarve.
Shocked by the tragedy of the train collision in neighboring #Greece. Sincere condolences to the families of the victims, and I wish the survivors a quick recovery.
— Bajram Begaj (@BajramBegajAL) March 1, 2023
Albania and I stand alongside #Greece.
“Unë dhe Shqipëria qëndrojmë përkrah me popullin grek”, shkruan ai.
Si pasojë e aksidentit hekurudhor që ndodhi mbrëmjen e të hënës në Greqi kanë humbur jetën mbi 30 persona ndërsa raportohet për shumë të plagosur.
Përplasja e dy trenave në Tempi është kthyer në një tragjedi kombëtare në Greqi , ku numri i të vdekurve ka shkuar në 36, ndërsa raportohet për 85 të plagosur, nga të cilët 66 janë të shtruar në spital (gjashtë në Repartin e Kujdesit Intensiv).
Megjithatë, ekziston frika se numri i të vdekurve do të rritet pasi disa persona janë bllokuar në vagonët e parë të trenit të pasagjerëv , ku po zhvillohen operacionet e shpëtimit.
Treni i pasagjerëve që ishte nisur drejt Selanikut u përplas kokë më kokë me një tren që po shkonte në drejtim të kundërt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
