.png)
Gazeta Si – Dhunë në Athinë gjatë mbrëmjes para ndeshjes së turit të 3-të paraeliminator të Ligës së Kampionëve mes AEK-ut dhe Dinamo Zagreb. Një 22-vjeçar ka humbur jetën, pas plagëve të marra me thikë. Edhe 6 të plagosur.
Një tifoz i AEK-ut u godit për vdekje me thikë në periferi të Athinës, gjatë një përleshjeje me ultrasit e Dinamos së Zagrebit. Lajmi është bërë i ditur nga policia greke, që ka shpjeguar gjithashtu se gjatë përplasjes mes dy tifozerive mbetën të plagosur edhe 6 persona.
I riu grek u transportua menjëherë në spital, por nuk mundi t’u shpëtonte plagëve të marra, sipas shtypit lokal. Mbrëmjen e sotme ishte në program të luhet ndeshja e parë në Champions mes AEK-ut dhe Dinamos së Zagrebit, në stadiumitn ‘Agia Sophia’, por UEFA ka vendosur ta shtyjë atë.
Dhuna mes tifozëve është një rast i përsëritur në Greqi, ku në tri vitet e fundit janë shënuar tre viktima pikërisht nga përplasjet mes tifozerive.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
