.png)
Për Inter sot është zyrtarisht dita e fundit e izolimit brenda në shtëpi, që filloi 15 ditë më parë, pas rezultatit pozitiv me Covid-19 të Daniele Rugani në ndeshjen Juventus-Inter të luajtur në Torino me dyer të mbyllura në datën 8 mars. Lojtarët zikaltër, sipas një programi personal të ndërtuar nga stafi mjekësor i klubit, vazhdojnë të stërviten në shtëpitë e tyre, duke ndjekur direktivat e klubit si për përgatitjen fizike ashtu edhe për regjimin ushqimor.
Fillimisht data për rinisjen e stërvitjes ishte fiksuar për në 25 mars, por klubi nuk parashikon të rifillojë seancat në një kohë të afërt, duke parë emergjencën ndaj koronavirus. Asnjë pjesëtar i skuadrës nuk ka shfaqur simptoma e nuk kanë qenë të nevojshëm tamponet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
