.png)
Policia e Përmetit ka vënë në pranga 6 persona, nën akuzën për përdhunim dhe ngacmim seksual.
Mësohet se 2 prej tyre janë arrestuar për përdhunimin e një 19-vjeçareje, ndërsa 4 të tjerë janë arrestuar për ngacmime seksuale ndaj personave të rritur.
Ngjarja e rëndë e përdhunimit ka ndodhur në një fshat të Këlcyrës.
Dyshohet se vajza është shantazhuar me një video intime nga i dashuri, i cili më pas e ka përdhunuar me shokët e tij.
Vajza është banuese në fshatin Goricë, njësia administrative Sukë dhe ngjarja e rëndë ka ndodhur dje rreth orës 18:00.
Djemtë janë të moshës 17- 18 vjeçare, gjimnazistë në qytetin e Përmetit dhe ndalimi i tyre është bërë pas denoncimit të vetë vajzës së abuzuar.
Mësohet se policia ka arrestuar gjashtë adoleshentë gjatë operacionit në Përmet, për kapjen e shtetasve që akuzohen se kanë kryer marrëdhënie seksuale me vajza të rritura.
Ende nuk janë bërë me dije emrat e personave të ndaluar, të vajzave të abuzuara si dhe rrethanat në të cilat kanë ndodhur ngjarjet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
