Shqipëria renditet e 54 nga 82 ekonomi në botë për zhvillimin social në tërësi.
Raporti që mat 82 ekonomi botërore, përfshirë edhe Shqipërinë, ka studiuar vendet në pesë drejtime kryesore të zhvillimit social: shëndetësia, shkolla, teknologjia, puna (mundësitë, pagat, kushtet), mbrojtja sociale.
Por përsa i përket progresit në fushën e punës, pagave dhe mundësive për punësim vendi ynë radhitet në vendin e 81, pra në vendin e parafundit.
“Indeksi Global i Progresit Social” “nominon Danimarkën në vendin e parë (me 85 pikë) për arritjet në këto fusha, e cila pasohet nga Norvegjia, Finlanda, Suedia dhe Islanda.
Në top dhjetëshe janë Holanda, Zvicra, Austria, Belgjika dhe Luksemburgu. Nga ekonomitë e G7, Gjermania ka shënuar më shumë rritje në drejtimet e marra në analizë (e 11-ta, me 78.8 pikë), e ndjekur nga Franca (e 12-ta). Kanadaja (e 14-ta) i paraprin Japonisë (15-ta), Mbretëria e Bashkuar (21-të), Shtetet e Bashkuara (të 27-at).
Në raportin e tij të parë vjetor për zhvillimin social, Forumi Ekonomik Botëror nënvizon se një shoqëri e aftë është ajo që u ofron të gjithëve mundësi të barabarta për të zhvilluar potencialin e tyre, pavarësisht nga origjina socio-ekonomike, jo vetëm që do të kishte më shumë kohezion social, por do të forconte edhe rritjen ekonomike.
Një rritje prej 10% e zhvillimit social, citon raporti, në të vërtetë do të rrisë PBB-në pothuajse 5% më shumë në 10 vjet.
Sidoqoftë, vijon raporti, shumë pak ekonomi kanë kushtet e duhura për të lehtësuar uljen e pabarazive dhe përfshirjen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.