.png)
Gazeta Si - Verën e kaluar e gjithë vëmendja ishte te Bremer dhe De Ligt, Kulibali dhe Kim. Shpenzime të çmendura si kurrë më parë edhe për mbrojtësit e qendrës, si të ishin sulmues që shënojnë 20 gola në sezon. Fusha ka treguar se diferencën nuk e bëjnë shifrat e blerjeve, por zgjedhjet e zgjuara.
Si në rastin e Lacios, që ka mbrojtjen më të mirë të Serisë A, me 20 gola të pësuar. Igli Tare, drejtori sportiv i Lacios, siguroi një dyshe perfekte me Kazalen dhe Romanjolin, që në total i ka kushtuar 7 milionë euro.
Kalimi te bardhekaltrit me parametra zero i ish-lojtarit të Milanit duket se vërtet ka spostuar ekuilibrat sa i takon mbrojtjes. Me garancinë që ka në prapavijë, ku bën pjesë edhe mbrojtësi kuqezi Elseid Hysaj, Lacio ka ‘blinduar’ vendin e dytë në Serinë A, që askush nuk e priste.
Dhe një meritë të madhe këtu ka Tare për dyshen solide të qendrës së mbrojtjes, që për më tepër e ka arritur me shpenzime modeste.
Të gjesh një mbrojtës qendre me nivel është bërë tashmë diçka shumë e komplikuar në futboll, por Igli Tare ia di mirë ‘sekretet’ kësaj pune, e ka vërtetuar edhe më parë. Në kohën kur klubet e mëdha japin edhe 70-80 milionë euro për një mbrojtës qendre, ai merr dy të tillë me 7 milionë euro dhe arrin rezultate më të mira.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
