.png)
Gjatë një shpërthimi viral, duhej të kujtoheshin ata që humbën jetën. Dekada më vonë, një virus tjetër vdekjeprurës shetit nëpër glob, duke i detyruar njerëzit të qendrojnë larg për të mos u sëmurë
Organizatorët e moshuar të Memorialit për ata që humbën jetën nga HIV AIDS thonë se po riparojnë pëlhurën e jorganit përkujtimor për të prodhuar maska mbrojtëse prej cohe për punonjësit e linjës së parë që përballen me pandeminë koronavirus.
"Gjatë krizës së AIDS-it, unë mund të shkoja dhe të bëja diçka," tha Gert McMullin, shefi koordinator i projektit. "Por tani, nuk mundem. Nuk jam mësuar të rri ulur dhe të mos i ndihmoj njerëzit. "
Jorgani bashkëpunues, një përpjekje dekada e gjatë që tani është vepra më e madhe në botë e artit popullor, u konceptua për herë të parë në vitet 1980 si një mënyrë për të vajtuar burrat homoseksual që humbën jetën nga HIV / AIDS dhe për të rritur ndërgjegjësimin ndaj sëmundjes.
Teksa kjo epidemi vrau shumë njerëz, projekti mori hov, duke parë më shumë se 48 mijë kërkesa nga e gjithë bota për të përkujtuar të dashurit e vdekur, në panele copash me të njëjtën madhësi po aq sa arkivolet. Askush nuk qepi më shumë sesa 64-vjeçarja McMullin.
Në prill, jorgani duhej të kthehej në vendlindjen e saj në San Francisko, por pandemia e koronavirusit i pushoi ato plane. Dhe shpërthimi i ri filloi t'i japë McMullin "një ndjenjë tmerri", siç është shprehur vetë për mediet, :” Jo përsëri. Nuk mund të përjetoj një gjë të ngjashme sërish."
Kështu që ajo iu drejtua pëlhurës së saj të mbetur dhe makinës së saj të vjetër të qepses
Së bashku me një duzinë vullnetarësh të tjerë, McMullin ka bërë më shumë se 800 maska mbrojtëse për mjekë dhe infermierë në zonën e Gjirit të San Franciskos, si dhe punonjësit e personat vulnerabël të një organizate jofitimprurëse Oakland që punon për të strehuar personat që abuzojnë me drogërat.
"Asnjëherë nuk e kam imagjinuar se do të kaloja nëpër dy pandemi", tha ajo, "dhe do të kisha mundësi të qepja për të dy ngjarjet"./WashingtonPost/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
