.png)
Një ditë e veçantë për ish-futbollistin e famshëm, Pele. Legjenda braziliane ka dashur të japë një mesazh për të gjithë ndjekësit e tij në rrjetet sociale. “O’Rey” ka bërë vaksinën kundër Covid-19 dhe ka postuar një foto, ku ai shfaqet teksa i bëhet injeksioni nga një specialist.
Pele ka dashur t’u dërgojë një sinjal njerëzve të shumtë që dëshirojnë t’i kthehen jetës normale, duke i këshilluar të ndjekin hapat e tij për të mirën e tyre dhe për të mirën e të tjerëve. Ai duket i buzëqeshur në foto, ndërkohë që bën me shenjë se gjithçka ka shkuar mirë.
Braziliani e ka shoqëruar foton e postuar në Instagram me këtë mesazh të rëndësishëm: “Sot është një ditë e paharrueshme: kam bërë vaksinën! Pandemia nuk ka përfunduar ende dhe duhet të jemi të disiplinuar për të mbrojtur jetën derisa shumë njerëz nuk kanë bërë vaksinën. Vazhdo të lash duart, është e mundur, qëndro në shtëpi. Kur del, mos harro të vendosësh maskën dhe të mbash distancën sociale. Gjithçka do të kalojë, nëse mendojmë për të tjerët”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
