.png)
Partia Demokratike akuzon Kryeministrin Edi Rama se po shfrytëzon fatkeqësinë natyrore dhe gjendjen e emergjencës për të mbyllur mediat kritike me Qeverinë dhe kërcënuar gazetarët.
“Të shfrytëzosh këtë fatkeqësi për të mbyllur portale, faqe Facebook e rrjete të tjera sociale dhe të kërcënosh gazetarët nga mëngjesi në darkë vetëm pse janë kritikë me qeverinë dhe sjellin zërin e qytetarëve të lënë në harresë dhe pa asnjë ndihmë, është kriminale”, deklaroi përmes rrjeteve sociale, kreu i PD-së, Lulzim Basha.
Basha shton se kjo është mënyrë për të mbytur zërin e qytetarëve dhe të vërtetës që vjen përmes mediave dhe portaleve të ndryshme. Ai kërkon nisjen e hetimeve për dhunimin e fjalës së lirë.
“Prokuroria duhet të nisë menjëherë hetimet për dhunimin e fjalës së lirë nga qeveria. Me Kushtetutë dhe ligj kjo përbën një krim të rëndë që duhet ndëshkuar”, deklaroi kreu i PD-së.
Reagimi i opozitës mbërriti pas mbylljes së dy portaleve dhe të “Brryli Broadëay” në Facebook, i famshëm për satirën dhe memet e publikuara, që në të shkuarën kanë tërhequr edhe vëmendjen e vetë Kryeministrit Edi Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
