.png)
Partia Demokratike nuk do të njohë zgjedhjet e 25 prillit, kjo të paktën është ajo çfarë Lulzim Basha u ka deklaruar kryetarëve të degëve të partisë në mbledhjen e zhvilluar pasditen e së hënës.
Burime të Gazetës "Si" konfirmojnë se në mbledhjen me dyer të mbyllura, Lulzim Basha ka njoftuar krerët e degëve për aksionin opozitar që do të ndërmerret.
Hapi i parë do të jetë një tur mbledhjeje provash që faktojnë, sipas PD, shitblerjen e votave dhe manipulimin e zgjedhjeve.
Ky ka qenë prioriteti që i ka mëshuar Basha në këtë takim me krerët e degëve, ndërsa në lidhje me fatin e tij personal si kryetar i partisë është shprehur se "nuk duhet të ndikojë te aksioni për mbledhjen e provave të manipulimit zgjedhor".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
