.png)
Presidenti i SHBA, Donald Trump, ka njoftuar se ka fituar në një prej shteteve më të rëndësishme amerikane, Pensilvani. Përmes një mesazhi në “Twitter”, Trump thekson se ka siguruar një fitore të madhe të ligjshme në këtë shtet. “Fitore e madhe e ligjshme në Pensilvani”, shkruan Trump.
Ndërkohë, më herët Presidenti Trump bëri thirrje që të ndalet procesi i numërimit të votave, pasi sipas tij, zgjedhjet e 3 nëntorit po vidhen. Prokurori i Përgjithshëm i Pensilvanisë Josh Shapiro kritikoi fushatën e Presidentit Donald Trump i cili kërkon që të ndalet numërimi për votat që kanë mbërritur pas datës 3. "Unë nuk do të lejoj askënd të ndalojë votimin. Këto janë vota të ligjshme dhe do të numërohen", siguroi ai. "Mjaft me retorikën, fushata ka mbaruar," shtoi ai.
Deri më tani Joe Biden ka siguruar 264 vota elektorale, ndërsa Trump 213, ndërkohë që duhen 270 vota elektorale për t’u shpallur fitues i zgjedhjeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
