.png)
Gazeta Si – Egnatia e këtij sezoni është një nga skuadrat surprizë, që mban vendin e tretë në renditje, por klubi rrogozhinas ka hasur vështirësi për mbarëvajtjen e ndeshjeve në shtëpi.
Gjatë sezonit ka pasur gjoba për shkak të sjelljes së gabuar të tifozëve, pak kohë më parë Egnatia u dënua për të luajtur pa tifozë po për të njëjtën arsye, ndërsa tani vjen një dënim tjetër më i rëndë. Rrogozhinasit duhet t’i luajnë në fushë asnjëanëse ndeshjet e mbetura si skuadër pritëse. Disiplina nuk ka toleruar aspak, duke qenë se dhuna në stadiumin e Rrogozhinës është një rast i përsëritur.
‘Egnatia, për dështim në përmbushjen e përgjegjësive dhe dhunë ndaj zyrtarëve të ndeshjes në mënyrë të përsëritur, dënohet me zhvillimin e pjesës së mbetur të ndeshjeve për sezonin futbollistik 2022-2023 pa tifozë dhe në fushë asnjanëse”, - shkruhet në njoftimin e Komisionit të Disiplinës.
Për rastin e ndeshjes Kastrioti-Bylis nuk ka asnjë vendim tjetër nga FSHF, që është duke pritur hetimin e hapur nga organet ligjzbatuese, pas kërcënimit të arbitrit Juxhin Xhaja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
