Lajme

Pas Shkodrës, opozita të enjten në Elbasan

Siç bëri në seancën e parë të Kuvendit, duke u larguar drejt Shkodrës, edhe nesër opozita nuk do të jetë e pranishme në Kuvend.

Në momentin kur do mblidhet Kuvendi, grupi parlamentar i PD-së, LSI-së dhe partive të tjera aleate do udhëtojnë në drejtim të Elbasanit për të mbajtur një tryezë diskutimi për situatën e kriminalitetit në vend.

Më 3 shtator, opozita u mblodh në Shkodër nga ku ngritën shqetësimin për ngjarjet e fundit kriminale atje, ndërsa paralelisht zhvillonte punimet seanca e Kuvendit në Tiranë. Nga Shkodra Lulzim Basha akuzoi maxhorancën se ngjarjet e fundit kriminale janë rrjedhojë e kapjes së qeverisë dhe Policisë së Shtetit nga krimi.

“Një lagje e tërë e qytetit është jashtë kontrollit, ku nuk lëvizet pa miratimin e bandave të krimit dhe policia nuk bën dot gjë”, tha ai.


Copyright © Gazeta “Si”



Më Shumë