.png)
Një anëtare e Këshillit Bashkiak të Tiranës është dorëhequr pas shembjes së godinës së Teatrit Kombëtar.
Gazeta “Si” mëson se këshilltarja Genta Mezini ka njoftuar kolegët e saj dhe kreun e Këshillit Bashkiak të Tiranës, Toni Gogu përmes postës elektronike për vendimin e dorëheqjes.
Këshilltarja Mezini është zgjedhur që në 2015 anëtare e Këshillit Bashkiak të Tiranës, por nën siglën e LSI-së. Në 2017 ajo ishte pjesë e një grupi këshilltarësh të kësaj force politike që votuan pro rritjes së çmimit të ujit dhe më pas kaloi me PS, ndërsa në zgjedhjet e 30 qershorit të vitit të kaluar u rizgjodh anëtare nën siglën e PS-së.
Më herët në muajin Shkurt dha doreheqjen nga kjo detyrë edhe Ervin Mete pas emërimit në krye të Autoritetit të Mbikëqyrjes Financiare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
