Pas pandemisë, Europa duhet të provojë vlerën e saj

Me afrimin e sezonit veror dhe pushimeve bashkë me procesin e vaksinimit, Europa po lufton kundër kohës.

Liderët europianë duhet të bindin qytetarët e tyre që të pajisen me certifikata vaksinimi në mënyrë që të hapin kufijtë pa rrezikun e një vale tjetër infektimesh nga Covid-19.

Gjatë vitit të shkuar, zgjidha e Europës që të mbrohej nga virusi ishte kufizimi i lëvizjes, por këtë vit nuk mund të ketë më efekt sepse njerëzit janë “tërbuar”.

Një sondazh i bërë nga Këshilli Evropian për Marrëdhëniet me Jashtë (ECFR) në Prill dhe Maj tregon se shumica e europianëve nuk kanë më besim tek BE-ja, sidomos pas pandemisë.

Gjermania rezulton me pakënaqësinë mëtë madhe ndaj institucioneve europiane, që lidhet me problemet e shpërndarjes së vaksinave në Europë.

Përhapja e vaksinave të BE-së filloi masivisht në gjysmën e dytë të prillit, Mbretëria e Bashkuar dhe SHBA kishin avancuar. Siç e pranoi Presidentja e Komisionit Evropian Ursula von der Leyen, “Ne ishim vonë për autorizim. Ne ishim shumë optimistë kur bëhej fjalë për prodhim masiv dhe mbase ishim shumë të sigurt se ajo që porositëm do të dorëzohej në kohë.”

Megjithëse, është tepër vonë për udhëheqësit e BE-së që të demonstrojnë kompetencë në trajtimin e pandemisë, ata mund dhe duhet të tregojnë udhëheqje në rimëkëmbjen e pandemisë. Kur të anketuarit u pyetën në studimin e ECFR se çfarë do të konsideronin dështimin më të madh të mundshëm qeveritar në vitet e ardhshme, përgjigjja më e zakonshme për nivelin kombëtar dhe atë të BE ishte pamundësia për të trajtuar një recesion të madh dhe rritjen e papunësisë.

Krijimi i kushteve për të lejuar qytetarët të jetojnë, punojnë dhe udhëtojnë normalisht brenda Europës është një mënyrë që institucionet e BE-së dhe vendet anëtare mund të rinisin projektin europian, duke i lejuar qytetarët të përfitojnë përsëri nga një prej parimeve themeluese të projektit: liria e lëvizjes për të lehtësuar shoqërinë, lidhjet kulturore dhe ekonomike.

Kur të anketuarit u pyetën se çfarë vizioni kishin për BE-në, më shumë se 50% zgjodhën një BE me një rol të fortë global: ose një fener i demokracisë dhe të drejtave të njeriut ose një prej fuqive të mëdha të botës, i aftë të mbrojë veten nga kërcënimet e jashtme.

Pikëpamja mbizotëruese në të gjithë Evropën është se sistemi politik i SHBA është ende i prishur nga presidenca e trazuar e Donald Trump. Dhe vetëm 1 në 5 njerëz i shohin Shtetet e Bashkuara si një "aleat" që ndan "vlerat dhe interesat" e Evropës. Pikëpamja për të cilën u përgjigjën shumica e të anketuarve (44 përqind) është se Shtetet e Bashkuara janë një "partner i domosdoshëm" me të cilin ata "duhet të bashkëpunojnë strategjikisht" në skenën ndërkombëtare. Kjo i ndërlikon çështjet kur bëhet fjalë për ndërtimin e rolit global të BE-së dhe do të thotë që do të duhet të vendoset një ekuilibër delikat midis BE-së dhe Shteteve të Bashkuara, për shembull, mbi mënyrën se si ato formojnë rendin e bazuar në rregulla përtej COVID-19. Ekzistenca e BE-së është një fakt dhe bashkimi duhet të hyjë në veprim si një lojtar global para se qytetarët të humbin besimin.

Tani, ndërsa pjesë të botës fillojnë të shohin mundësinë e jetës përtej pandemisë, BE është vërtet në një pikë kthese. Megjithëse aftësia e saj për të vepruar ndaj kërcënimeve që prekin jetën e përditshme të qytetarëve të saj është vënë në pikëpyetje nga fillimi i ngadaltë dhe kaotik i vaksinave, ekziston një rrugëdalje nga kriza - nëse udhëheqësit janë të gatshëm ta marrin atë. Pavarësisht nga zhgënjimet e votuesve me BE, 59% e të anketuarve besojnë se kriza COVID-19 ka treguar nevojën për një bashkëpunim më të madh në nivelin evropian dhe shumica e të anketuarve në 12 vendet e anketuara treguan se kishin parë anëtarësimin e vendit të tyre në BE si një gjë "e mirë" ose "shumë e mirë".

Burimi: Foreign Policy/ Përshtati: Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.