.png)
Lëkundjet e forta të tërmetit me magnitudë 5.2 e tronditën kryeqytetin duke bërë që në orët e paradites qytetarët të dilnin nga banesat apo zyrat, megjithëse ende nuk ka një llogaritje të saktë të dëmeve të shkaktuara. Është raportuar se pak lëkundjeve në oborrin e Teatrit Kombëtar janë parë të mbërrijnë zjarëfikëset për të verifikuar nëse ka pasur çarje nga tërmeti. Aktori Neritan Liçaj ka postuar në profilin e tij në facebook një fotografi ku duken makinat e zjarrëfikëses.
“U kris Parlamenti dhe Ministria e Kulturës, u përmbyt Bashkia dhe Teatri asgjë.Si shpirt Teatri.Dhe tani kanë ardhur zjarrefikësit që të shesin të pavertetën tjetër që teatri u kris nga termeti. Sa qesharake e gjitha kjo.”- ka shkruar Liçaj, ndërsa ka shtuar se punonjësit e zjarrëfikëses knë hyr në teatr duke fotografuar të çarat. Sipas Aleancës për Mbrojtjen e Teatrit janë të çara të vjetra që do i faturohen fenomenit natyror të ditës së sotme.
Vetë kryeministri Rama gjatë ceremonisë së përurimit të godinës “ArTurbina” ka theksuar edhe njëherë kushtet e këqija të një godine sipas tij krejt e atrofizuar, e cila mezi mbahet në këmbë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
