Gazeta Si – Xhovani Kolela nuk është më trajner i Partizanit. Lajmi është bërë i ditur zyrtarisht nga vetë klubi i kuq me një njoftim, ku saktëson se italiani kishte dhënë dorëheqjen e parevokueshme. Ishte një lajm që pritej në fakt, duke parë zhvillimet e fundit në kampin e kuq, ku pak ditë më parë u largua edhe drejtori sportiv Elton Marini.
‘Partizani njofton mbylljen e bashkëpunimit me trajnerin Xhovani Kolela, i cili sot i ka prezantuar dorëheqjen e parevokueshme presidentit Demi. Trajneri largohet nga Partizani pas nje viti të suksesshëm, ku arriti së bashku me skuadrën objektivin madhor, titullin kampion.
E falënderojmë për kontributin “mister” Kolelën, që largohet nga Shqipëria si trajneri kampion, dhe i bëjmë me dije se dera e Partizanit do mbetet e hapur për bashkëpunime të tjera në të ardhmen”, - shkruhet në njoftimin zyrtar të Partizanit.
Tani pritet të mësohet se cili do të jetë trajneri i ri i Partizanit, ku po flitet për ndryshime rrënjësore në strukturën drejtuese të klubit. Ditët e fundit janë përmendur emrat e ish-lojtarëve të Kombëtares, si Adrian Aliaj dhe Florian Myrtaj. Trajneri pritet të vijë nga Kroacia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.