.png)
Gazeta Si – Me humbjen në Laç Partizani është larguar 5 pikë nga kreu dhe gara për titullin kampion bëhet më e vështirë. Por në kampin e kuq gjykojnë se u është bërë padrejtësi në fushën e Laçit, ku kundërshtari shënoi një gol në pozicion jashtë loje.
Presidenti i Partizanit, Gazment Demi, në një lidhje direkt me një nga emisionet sportive, ka shpërthyer ndaj gjykimit, por edhe ndaj fushës së Laçit. Ai u shpreh se ishte sikur të luhej në Afganistan dhe se Partizani është vjedhur. Deklarata e tij është publikuar edhe në faqen zyrtare të klubit.
“Ndoshta Laçit, ngaqë iu bë një hile me Krujën, donin ta mbulonin në ndeshjen tonë. Terreni ishte si në Afganistan. Një gol ndikon gjithçka. Goli i tyre ishte pozicion jashtë loje, nuk kam çfarë them. Unë nuk jam i cënuar si njeri, ua thashë edhe tifozëve, që është turp që bëhet kështu.
Ky Xhaja para një jave ishte në Durrës, i nxorri karton të verdhë lojtarit tonë që mos luante në ndeshjen pasardhëse. Kam të drejtë të dyshoj, më duket një vjedhje ndaj Partizanit ndeshja në Laç. Nga moviola që ua, i bie që na kanë vjedhur si Partizan.
Kuptova që Partizanit i kanë rënë në qafë, në Laç ishte si në Afganistan. I bie që duhet të sillem edhe unë te fusha e Partizanit si në Afganistan, por fytyra ime nuk i lejon këto. Shpresojmë t’ia kenë larë Laçit borxhin që i kishin dhe ta kenë goditur Partizanin. Do më vinte shumë keq po të qe e sistur kjo punë. Diçka nuk shkon”, - tha presidenti i të kuqve. Në Lac Partizani iu anulua edhe një gol nga VAR-i.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
