.png)
Gazeta Si – Partizani, ekipi kampion i Shqipërisë, synon në hapë një cikël të ri, me një strukturë të re drejtuese të udhëhequr nga disa ish-lojtarë të Kombëtares, si Adrian Aliaj e Florian Myrtaj. Përflitet edhe emri i Igli Tares, drejtorit sportiv të Lacios, por duket e vështirë që ai të heqë dorë nga karriera e tij europiane për t’u kthyer në Shqipëri.
Klubi i kuq sapo ka mbyllur bashkëpunimin me drejtorin sportiv Elton Marini. “Partizani njofton mbylljen konsensuale të bashkëpunimit me drejtorin sportiv Elton Marini. Partizani e falënderon për gjithçka ka dhënë për klubin e kuq në një vit të suksesshëm”, - shkruhet në njoftimin zyrtar të Partizanit.
Tani mbetet të shihet si do të rrjedhë situata në klubin kryeqytetas dhe se çfarë postesh drejtuese mund të marrin konkretisht Aliaj, Myrtaj, apo edhe dy vlonjatët e tjerë, Ardi Behari dhe Arbër Abilaliaj, ish-futbollistë të Partizanit.
Nga këto lëvizje mund të kuptohet se projektet e së ardhmes, të paktën në letër, janë të mëdha te Partizani. Adrian Aliaj aktualisht është menaxher futbolli, ku ndër lëvizjet më të bujshme të tij është transferimi i Amir Rrahmanit te Napoli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
