.png)
Gazeta Si – Një roveshiatë e Gjelbërim Taipi vendosi ndeshjen mes Kukësit dhe Partizanit, e vlefshme për javën e 23-të të Superiores. Kuksianët kanë marrë një 3-pikësh të rëndësishëm që i largon nga fundi, ndërsa për të kuqtë komplikohet rruga e titullit kampion.
Momenti që vendosi ndeshjen ishte ai i minutës së 22-të, kur kapiteni i Kukësit, Gjelbërim Taipi, mposhti portierin Rexhepi me një veprim të bukur teknik. Kukësi pretendoi në pjesën e parë edhe për një penallti, pas prekjes së topit me dorë në zonë nga Telushi.
Në pjesën e dytë skuadra e Hallacit mbrojti rezultatin. Pati edhe një rast për golin e dytë me Edi Bashën, po kroati gaboi përballë portierit kundërshtar. Te Partizani nuk bënë punë as ndërrimet e trajnerit Kolela dhe në fund u detyrua të pranojë humbjen.
Nëse Tirana fiton nesër me Teutën, diferenca me kreun do të shkonte në 6 pikë dhe titulli kampion bëhet shumë i vështirë për të kuqtë.
Egnatia arriti një fitore të madhe në Ballsh, me rezultatin 2-3. Bylisi shënoi i pari në fillim të pjesë së dytë, por pastaj mbeti me 10 vetë. Damçesvski shkaktoi penallti dhe u ndëshkua me karton tq kuq. Rrgozhinasit barazuan dhe më pas shënuan edhe 2 gola të tjerë, duke marrë një fitore të çmuar në transfertë për zonën europiane.
Të shtunën, përveç Tirana-Teuta, luhet edhe ndeshja tjetër mes Vllaznisë dhe Kastriotit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
