.png)
Gazeta Si – Bruno Telushi nuk është më lojtar i Partizanit kampion në fuqi. Mesfushori vlonjat është larguar sot nga të kuqtë, me mirëkuptim sipas njoftimit të klubit kryeqytetas, por shkak është bërë një pëprlasje e tij me trajnerin Zoran Zekiç pas ndeshjes së Championsit me Baten.
“Partizani njofton mbylljen e bashkëpunimit me Bruno Telushin. Mesfushori dhe klubi kanë vendosur të ndërpresin me mirëkuptim kontratën mes tyre. Falenderojmë Bruno Telushin për kontributin e dhënë, ku për një pjesë të ndeshjeve mbajti edhe shiritin e kapitenit. Klubi i uron shumë suksese Telushit në vazhdim”, - shkruhet në njoftimin e Partizanit.
Mesfushori me përvojë ishte në stol në ndeshjen e së martës në Champions, që u mbyll në barazim 1-1. Trajneri kroat preferoi afrikanin Sembene në vend të Telushit dhe ky i fundit nuk e priti mirë këtë lëvizje. Telushi reagoi dhe trajneri kërkoi që klubi të merrte masa.
Në këto kushte, drejtuesit e Partizanit kanë vendosur të mbyllin bashkëpunimin me lojtarin, duke i dhënë të drejtë trajnerit kroat që ka marrë drejtimin e ekipit pak kohë më parë. Bruno Telushi është shpallur dy herë kampion me Partizanin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
