.png)
Gazeta Si – Partizani dhe Tirana kanë ndërruar sërish vendet në kreun e renditjes. Pas barazimit të skuadrës së Shehit në Ballsh një ditë më parë, të kuqtë nuk mund të gabonin sot ndaj Kastriotit të vendit të fundit.
Të besuarit e Kolelës kanë fituar 4-1 dhe kanë rimarrë kryesimin e Superiores me pikë të barabarta me rivalin e përjetshëm, 44. Partizani e zgjidhi ndeshjen që në pjesën e parë. Tedi Cara zhbllokoi shifrat, kurse pas tij shënuan Matondo dhe Selmani, me golin e Mihanës në mes për krutanët.
Skuadra e kuqe nuk shpenzoi energji në pjesën e dytë, thjesht kontrolloi lojën dhe rezultatin, që e thelloi edhe me golin e Kristian Mba në fund.
Me atë që ka treguar deri tani ky kampionat, ndoshta titulli do të vendoset në sekondën e fundit. Dy skuadrat kryesytetase kanë ndërruar vazhdimisht vendet në krye, të tjerët duken larg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
