.png)
Kuvendi i Shqipërisë është mbledhur ditën e sotme në seancën plenare të radhës për të diskutuar mbi ligjin për Magjistratët si dhe ndryshimet në Kodin Rrugor.
Për ligjin e Magjistratëve ka pasur diskutime të mëdha mes mazhorancës dhe opozitës.
Ashtu si në seancat e kaluara të këtij sesioni parlamentar, opozita e bashkuar ka bojkotuar sërish Kuvendin.
Projektligji aq shumë i diskutuar për “Magjistratët” nuk është hedhur në votim, pasi kërkon shumicë të cilësuar të votave. Ndërkohë janë votuar disa nga ligjet e parashikuara për rendin e ditës. Ligji për ndryshimet e “Gazit Natyror” është votëbesuar duke marrë 71 vota.
Sakaq, Partia Demokratike prezantoi sot propozimin e saj për masat antimafia për çlirimin e ekonomisë, siç thuhet nga PD, “nga korrupsioni dhe oligarkia”.
Qëllimi i alternativës demokrate është sekuestrimi i pasurive publike të fituara me kontrata në kundërshtim me ligjin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
