Gazeta Si – Zhgënjimi i madh spostohet nga Premier Liga në Champions. Çelsi ka dështuar në ndeshjen e parë të 1/8-ve, ku është mundur 1-0 nga Borusia Dortmund. Një leksion i gjermanëve për klubin londinez, që ka blerë pa fund ne merkato, por nuk po arrin rezultate pozitive. Në futboll paratë nuk janë gjithçka.
Adejemi realizoi një gol spektakolar, që i dha fitoren Borusias. Në fundin e ndeshjes nuk mungoi tensioni, pasi pati një përplasje mes lojtarëve të dy skuadrave në fushë.
Në pjesën e parë protagonist ishte portugezi Zhoao Feliks, i cili humbi dy raste të mira për Çelsin. Në të parin goditi mbi tra, kurse në të dytin topi u stampua në traversën e portës së Borusias. Tiago Silvës iu anulua një gol, pasi e kishte prekur topin me dorë.
Në minutën e 63-të Adejemi ngriti peshë stadiumin me golin e avantazhit. Sulmuesi u nis nga gjysmëfusha e tij, ‘dogji’ në duel shpejtësie Enco Fernandezin dhe më pas dribloi edhe portierin kundërshtar, për të depozituar topin në rrjetë.
The speed and composure 😱
— UEFA Champions League (@ChampionsLeague) February 15, 2023
Out of this world from Karim Adeyemi 🛸#UCL pic.twitter.com/N2uWKeXUhi
Trajneri Poter ndërhyri nga stoli, duke hedhur në fushë Maunt dhe Kukurelën, por asgjë nuk ndryshoi në rezultat.
Ndeshja mes Bryzhit dhe Benfikës u zhbllokua me një penallti, të kthyer në gol nga Zhoao Mario pak pas fillimit të pjesës së dytë. Në pjesën e parë belgëve iu anulua një gol i Odoi për pozicion jashtë loje. Dy minuta para fundit, Neres shënoi edhe golin e dytë për miqtë. Një fitore e rëndësishme jashtë fushe për portugezët, të cilët hedhin një hap të sigurt drejt kualifikimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.