.png)
Ish-trajneri i kombëtares sonë, Christian Panucci është rikthyer të flasë për eksperiencën e tij te Shqipëria, që ka zgjatur thuajse dy vite, si pasues i Gianni de Biasit. Italiani, i cili ka ende “hesape”’ të pambyllura me Federatën Shqiptare të Futbollit, ka dhënë një intervistë për shtypin italian.
Ndër të tjera, Panucci ka treguar se lideri i skuadrës ishte Taulant Xhaka, por nuk e donin sepse kishte një sjellje pak profesionale. Italiani ka akuzuar se shumë lojtarë kosovarë preferojnë të luajnë për Zvicrën se sa për Shqipërinë pasi nuk e ndjenjën përkatësinë.
Përvoja e fundit në Shqipëri përfundoi keq
"Jam i kënaqur. Mora një skuadër që ishte e katërta në grupin kualifikues dhe doli e treta. Kam bërë një punë zbulimi talentesh të pabesueshme. Me Reja dolën të katërtit në grup, siç i kisha thënë unë presidentit. Në ekipin kombëtar ka ende shumë lojtarë që afrova unë, bëra të debutonin 26. I kam bindur, kam udhëtuar shumë për të folur me prindërit e tyre por lojtarët nuk duan të vijnë në kombëtare, nuk janë të lumtur me Federatën.
Futbollisti që më ka dhënë më shumë është Taulant Xhaka, ka një vëlla që luan te Arsenali i cili ka zgjedhur Zvicrën. Ata nuk e donin në ekipin kombëtar sepse ka një sjellje pak profesionale, por unë e kam grumbulluar gjithmonë, i kam folur si, burri-burrit, nëse kisha një lider, ishte ai. Më vjen keq kur lexoj se kanë rindërtuar grupin kur grupin e ndërtova unë”.
Pse erdhi divorci me Shqipërinë?
"Mora një skuadër që duhej të rindërtohej. Shumë lojtarë shkova t’i shikoja, nuk dëshironin të vinin. Shumë janë kosovarë, ata mund preferojnë të luajnë për Zvicrën, nuk e kanë ndjenjën e përkatësisë”
Gjatë intervistës, ai foli edhe në lidhje me futbollin italian, ku bëri një analizë te ekipeve italiane. "Serie A? Para se të ndalej kampionati, deklarova se Juventusi është gjithmonë favorit, Lazio ka bërë diçka të jashtëzakonshme, Interi është në rrugën e ndërtimit të një skuadre të rëndësishme, Atalanta ka qenë një konfirmim i frikshëm, hyrja në tetë të parat në Evropë është një rezultat i jashtëzakonshëm, rezultati i një programimi të shkëlqyeshëm. Roma është një ekip cilësor, ndonjëherë shumë i brishtë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
