.png)
Momente paniku për Lionel Mesin. Një aventurë e pakëndshme për yllin argjentinas të Barcelonës, teksa avioni i tij privat është detyruar pasditen e sotme të bëjë një ulje emergjence në Belgjikë.
Lajmi bëhet i ditur nga britanikja “Sun”, që nuk ka specifikuar se cilët ishin pasagjerët në bord në atë moment dhe detajet e defektit. Avioni ishte nisur nga Recife në Brazil dhe po fluturonte drejt Tenerifes, kur janë vënë re anomali, çka ka sjellë uljen e detyruar në “Zaventem Airport” të Brukselit. Pas një ore e gjysmë avioni tentoi të nisej sërish në fluturim, por përfundimisht qëndroi në Belgjikë.
Avioni privat i yllit të Barcelonës është i tipit “jet” dhe i përket kompanisë “Gulfstream”. Ai mund të mbajë deri në 16 persona në bord, ku ka edhe një kuzhinë. Avioni vinte pas një tjetër udhëtimi të gjatë prej 6 orësh nga San Karlos në Argjentinë për në Recife të Brazilit dhe më pas ishte nisur drejt Spanjës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
