.png)
Klubi i njohur anglez, Fulham ka zgjedhur golin e sulmuesit shqiptar, Pajtim Kasami, si më të mirin e dekadës që lamë pas. 27-vjeçari u shpall fitues me golin e shënuar ndaj Crystal Palace në vitin 2014 në kampionatin anglez.
Kasami, me origjinë shqiptare, por që ka zgjedhur të luajë me përfaqësuesen e Zvicrës, aktualisht aktivizohet me Sionin në kampionatin zviceran. Në të kaluarën ka luajtur me klube si Liverpool, Lazio, Palermo, Fulham, Olympiacos, Nottingham Forest apo edhe me disa skuadra të tjera zvicerane.
Për këtë vlerësim, Kasami pati një mesazh falënderues dhe mirënjohës për klubin dhe tifozët e Fulhamit:
“Dua t’i falënderoj të gjithë ata që kanë votuar golin tim si ‘Golin më të bukur të Dekadës’. Kjo do të thotë shumë për mua. I vlerësoj po ashtu shumë mesazhet e bukura që kam marrë dhe mbështetjen që më keni dhënë. Dua ta përshkruaj, goli im erdhi në mënyrë instiktive, nuk e kam menduar shumë. Tani që kanë kaluar më shumë se 6 vite, e kam kuptuar se me të vërtetë ka qenë nga golat më të bukur që kam shënuar. Jam shumë krenar për këtë vlerësim”, ka deklaruar Kasami.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
