Gazeta Si - Shtyhet gjyqi mes Erion Veliajt dhe kryedemokratit Sali Berisha, i cili është paditur në gjykatë nga kryebashkiaku I Tiranës për shpifje pas akuzave dhe deklaratave për “paratë e Iranit”.
Asnjë nga palët nuk ka pranuar pajtimin në seancën e kësaj të premteje.
Sot është mbajtur seanca e parë me përfaqësimin e dy palëve, ku Berisha është përfaqësuar nga Ivi Kaso dhe Veliaj nga avokati i tij mbrojtës.
Kujtojmë që nëse Berisha nuk do të përfaqësohej nga një avokat, Prokuroria kishte urdhëruar të shoqërohej me forcë.
Seanca ka zgjatur vetëm 20 minuta, ku avokatët e Berishës dhe Veliajt janë njohur me seancën e pajtimit nga SPAK, një procedurë ku palët që akuzojnë njëra tjetrën.
Në seancën e parë ofrohet edhe mundësia e pajtimit dhe më pas pushimi i çështjes, por kjo nuk ka ndodhur. Seanca e radhës është caktuar të mbahet me datën 2 qershor.
Disa ditë më parë, kryedemokrati Berisha deklaroi se “Veliaj pastron paratë e Gardës Revolucionare të Iranit”, në lidhje me aferën e inceneratorit të Tiranës.
Po ashtu, Berisha hodhi akuza në drejtim të Veliajt, duke thënë se “ai ka bërë udhëtime sekrete në Iran dhe se janë shqetësuar vendet partnere”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.