.png)
Jep dorëheqjen gjyqtarja e Apelit të Shkodrës, Marina Rraboshta.
Dorëheqja ka disa ditë që është paraqitur në Gjykatën e Apelit në Shkodër dhe Këshillin e Lartë të Gjykatës dhe ky institucion edhe nuk ka pranuar këtë vendim të saj.
Gjyqtarja Marina Rraboshta nuk i ishte nënshtruar ende vettingut.
Ky është emri i katërt që largohet nga Gjykata e Apelit në Shkodër. Kryetari Fuat Vjerdha nuk arriti të kalojë Vettingun, ashtu siç edhe Hajrie Muçmataj dhe Luan Dervishi. Marina Rraboshta bëhet e katërta me dorëheqjen e saj.
Gjyqtarja Marina Rraboshta, ka qenë pjesë e trupit gjykues, të cilët më 19 shtator të 2019 bllokuan drejt Italisë ekstradimin e Ilir Bajrit.
Po kështu 6 familje në prill të 2016 u ankuan për gjyqtaren Marina Rraboshta. Ata deklaruan se iu ishte grabitur prona padrejtësisht, ndërsa akuzuan për vendime në kundërshtim me ligjin, gjyqtaren Rraboshta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
