.png)
Gazeta Si - Perëndimi është në grahmat e "çmendurisë vetëvrasëse", sipas asaj që tha kryeministri hungarez Viktor Orban në fjalimin e tij mbrëmjen e të hënës.
"Dekada e ardhshme do të jetë një epokë rreziku, pasigurie dhe lufte", tha Orban, duke denoncuar gjithashtu atë që ai e quajti "çmenduria e gjinisë" dhe "programi i madh për zëvendësimin e popullsisë evropiane".
Një referencë e dukshme për një teori konspirative, sipas së cilës ekziston një plan për të zëvendësuar popullsinë kryesisht të bardhë evropiane me emigrantë.
“Imazhi i një dekade lufte po hapet para syve tanë”, i shënuar nga “valët e ripërtërira vetëvrasëse të botës perëndimore”.
Orban, i cili u betua për mandatin e katër radhazi si kryeministër, tha se shteti i tij përballet me një dekadë lufte dhe një recesion, por ai u zotua se do të mbrojë vendet e punës, përfitimet e familjeve dhe pensionet.
Ai tha po ashtu se Hungaria nuk do të pengojë sanksionet e BE-së kundër Rusisë, për shkak të pushtimit të Ukrainës, për aq kohë sa ato nuk paraqesin rrezik për sigurinë energjetike të Hungarisë.
Ndërkohë, Turqia “nuk do të dorëzohet” ndaj jo pranimit të Finlandës dhe Suedisë në NATO.
Kështu u shpreh presidenti turk Rexhep Tajip Erdogan, duke sqaruar se si të dy vendet kanë qëndrime “të paqarta” për terrorizmin. “Pas Greqisë nuk na mashtrojnë më”.
Ministria suedeze e punëve të jashtme njoftoi të hënën se përfaqësues të lartë nga Helsinki dhe Stokholm do të udhëtojnë "së shpejti" në Turqi për të diskutuar kundërshtimet e Ankarasë për anëtarësimin e tyre në NATO.
Megjithatë, Erdogan tha se diplomatët nuk duhet të shqetësohen të vijnë në Turqi për të provuar të bindin Ankaranë që të miratojë ofertat e tyre në NATO.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
