Nga Gazeta 'Si'-Asambleja e Përgjithshme e OKB-së ka miratuar një rezolutë që njeh Palestinën si të kualifikuar për t’u bërë anëtare e plotë e Kombeve të Bashkuara dhe rekomandon që Këshilli i Sigurimit “të rishqyrtojë çështjen në mënyrë të favorshme”.
Drita jeshile nga Këshilli i Sigurimit, ku SHBA vendosi veton muajin e kaluar, është një kusht i domosdoshëm për çdo miratim të plotë. Teksti mori 143 vota pro, 9 kundër dhe 25 abstenime përfshirë edhe Shqipërinë.
“Ju keni hapur Kombet e Bashkuara për nazistët modernë,” tha ambasadori izraelit në OKB Gilad Erdan, pak para votimit.
Shqipëria, Italia, Britania e Madhe, dhe Gjermania abstenuan për rezolutën e OKB-së për Palestinën, kurse shtetet e bashkuara votuan kundër.
Votë abstenimi kishin edhe Bullgaria, Austria, Kanadaja, Kroacia, ishujt Fixhi, Finlanda, Gjeorgjia, Letonia, Lituania, Ishujt Marshall, Holanda, Maqedoninë e Veriut, Moldavia, Paraguaji, Rumania, Vanuatu, Malavi, Monako, Ukraina, Suedia dhe Zvicra.
Kurse kundër perveç SHBA votuan Izraeli, Palau, Nauru, Mikronezia, Papua Guinea e Re, Hungaria, Argjentina dhe Republika Çeke. Që një rezolutë e OKB të hyjë në fuqi duhet që patjetër ajo të miratohen nga Këshilli i Sigurimit, pa veto.
Ambasadori i Izraelit në Kombet e Bashkuara Gilad Erdan ka copëtuar “një kopje të kartës së OKB-së”.
Duke qëndruar përpara asamblesë në Nju Jork, z. Erdan mbajti një grirëse të vogël dhe vendosi tre copa letre në të – të cilat kishin të shkruar fjalët “karta e Kombeve të Bashkuara”.
Ai u dëgjua duke thënë: “Po e grisni kartën e OKB-së… Turp për ju”.
The UN often provides memorable performative moments where members seek to capture attention.
— Mark Stone (@Stone_SkyNews) May 10, 2024
In the General Assembly, Israel’s ambassador @giladerdan1 literally shreds the UN charter in protest of the chamber’s majority decision to vote to give State of Palestine more UN rights pic.twitter.com/1yWxnqtXaj
Veprimet e tij erdhën pak çaste përpara se organi botëror prej 193 anëtarësh të miratonte rezolutën, duke i dhënë Palestinës “të drejta dhe privilegje të reja”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.