.png)
Zyrtarët e Shërbimit Sekret refuzuan vazhdimisht kërkesën e Donald Trump për siguri shtesë para se të ndodhte atentati i fundjavës së kaluar, shkruan Post.
Ish-presidenti, 78 vjeç, kërkoi më shumë agjentë në ngjarjet e mëdha publike si dhe snajperë shtesë për ambiente në natyrë, thanë katër burime për The Washington Post.
Çdo kërkesë u rrëzua nga zyrtarë të lartë të cilët pretenduan se agjencisë i mungonin burimet që Trump po kërkonte, raportoi gazeta.
Agjentët e Shërbimit Sekret, së bashku me zbatimin e ligjit vendas, ishin përgjegjës për sigurimin e tubimit kur 20-vjeçar Matthew Thomas Crooks hapi zjarr në mitingun në natyrë të kandidatit republikan presidencial në Pensilvani të shtunën e kaluar.
Crooks ishte shtrirë në një çati vetëm 130 metra larg nga Trump, kur qëlloi me armë duke plagosur në vesh Donald Trump, ndërsa i vrarë mbeti një qytetar që merrte pjesë në tubim.
Anthony Guglielmi, një zëdhënës i Shërbimit Sekret, pranoi për The Washington Post se agjencia kishte mohuar kërkesën e Trump për siguri shtesë, por pretendoi se kishte mësuar për informacionin e ri vetëm pas tragjedisë.
Guglielmi tha për The Post se kishte “disa raste kur njësi ose burime specifike të specializuara të Shërbimit Sekret nuk u siguruan”, por se agjencia në vend të kësaj përdorte partnerë shtetërorë ose lokalë për të shtuar mbrojtje./NewYorkPost
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
