.png)
Izmir Duraku, shefi i stacionit policor të Fushë-Arrëzit, i arrestuar me bujë pas denoncimit publik të një 27-vjeçareje që e akuzonte se në 2015 e kishte përdhunuar lihet i lirë. Duraku është liruar, pasi prokuroria ka dalë në përfundimin se nuk ka prova që të vërtetojnë pretendimet e akuzueses.
27-vjeçarja dëshmoi publikisht se në 2015 ishte paraqitur në Komisariatin e Shkodrës për të denoncuar përdhunimin nga një grup personash, punonjës së Shtëpisë së Jetimëve në këtë qytet. Në atë kohë, Duraku ishte me detyrë specialist i hetimit të krimeve.
Por, në vend që ta merrte në mbrojtje, sipas dëshmisë së gruas, ai e ka përdhunuar brenda ambienteve të komisariatit.
Pas kësaj dëshmie në lëvizje është vënë edhe Shërbimi për Çështjet e Brendshme dhe Ankesat. Sipas SHÇBA, bazuar në provat e mbledhura kishte dyshime të forta se në muajin prill 2015, 27-vjeçarja është ngacmuar seksualisht nga një punonjës policie në ambientet e Komisariatit të Policisë Shkodër, kur efektivi ishte me detyrë Specialist i Hetimit të Krimeve në këtë qytet.
Duraku madje u përjashtua nga vetë Policia e Shtetit me urdhër të Ardi Veliut si dhe ministri i brendshëm Sandër Lleshaj e dënoi rëndë këtë akt pas këtij arrestimi por Prokuroria tashmë vërteton krejt të kundërtën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
