.png)
Gazeta Si – Klubi i Tiranës ka zyrtarizuar stadiumin, ku do të presë ekipin gjeorgjian Dinamo Batumi në raundin e parë eliminator të Ligës së Konferencës. Bardheblutë do të luajnë në ‘Air Albania’ dhe jo në Elbasan, sikurse ishte folur kohët e fundit.
Ky është një lajm i mirë për të gjithë tifozët e Tiranës, të cilët më 13 korrik, kur luhet ndeshja e parë europiane, nuk kanë nevojë të shkojnë në Elbasan. Në stadiumin ‘Air Albania’ numri i tyre pritet të jetë më i lartë.
Nëse arrin të kualifikohet, në turin e dytë Tirana do të ndeshet me Beshiktashin, ekipin e madh turk. Edhe kjo sfidë me siguri do të luhet në kryeqytet. Në Elbasan pritet të luajë Partizani, ekipi tjetër i kryeqytetit.
Vllaznia dhe Egnatia, dy skuadrat e tjera shqiptare që marrin pjesë në Kupat e Europës, pritet të luajnë në stadiumit e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
