.png)
Nga Gazeta Si - Studentët e viteve të para të mjekësisë kanë nisur mësimin ndërkohë që studentët e viteve të tjera vijojnë me bojkotin që zgjat prej 4 javësh tashmë.
Pas padisë në Gjykatën Kushtetuese nga studentët, të rinjtë e viteve të para kanë vendosur të tërhiqen nga bojkoti dhe të shkojnë në auditorë për të vijuar normalisht me mësimin.
Ndërkohë që studentët e tjerë kanë kërkuar prej javësh një përgjigje nga ministrja e arsimit Ogerta Manastirliu dhe nga Universiteti i Mjekësisë, gazetarët kanë mundur ti marrin një reagim ministres së arsimit.
Nga Fieri, Ogerta Manstirliu e cilësoi këtë ligj si “ligjin e mundësive” për mjekët e ardhshëm.
Ligji i detyron studentët e mjekësisë të zgjedhin midis pagesës prej 240 mijë lekësh ose të punojnë në vend për 2 deri në 5 vite.
Këtë studentët e refuzojnë dhe për pasojë kanë vendosur të bojkotojnë mësimin, duke protestuar herë pas here para Ministrisë së Arsimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
