.png)
Pas më shumë se dy orësh bisedimesh kokë më kokë, kreu i Lëvizjes Vetëvendosje dhe ai i Lidhjes Demokratike të Kosovës nuk kanë arritur të nënshkruajnë një marrëveshje për formimin e qeverisë.
LDK-ja dhe Vetëvendosje janë kthyer në tavolinën e bisedimeve një ditë pas skadimit të afatit të vendosur nga Isa Mustafa për formimin e koaliconit.
Vetëvendosje njoftoi e para se pas takimit të sotëm në Kuvendin e Kosovës nuk u arrit marrëvshja për formimin e Qeverisë.
"Një takim tjeter do të mbahet nesër, në të cilin do të marrin pjesë edhe përfaqësuesit e QUINT’it (Amerika, Gjermania, Britania e Madhe, Franca dhe Italia)", thuhet në njoftimin e VV’së.n“Palët u pajtuan që nesër të zhvillohet një takim tjetër bashkë edhe me ambasadorët e Quint-it në Prishtinë si dhe me Shefen e Misionit të BE-së”, thuhet në njoftim.
Takimi i sotëm kishte nisur në 16:30 në Kuvendin e Kosovës. Zyrtarët e lartë të dy partive që morën pjesë në takim kanë dalë nga Kuvendi pa folur para mediave.
Mosmarrëveshjet u bënë të qarta që me fillimin e takimit, kur deputetë të Vetëvendosjes thanë se nuk do të hiqnin dore nga posti i kryeparlamentarit. Ndërkohë nënkryetari i LDK-së, Agim Veliu tha pak para takimit ka thënë se partia e tij nuk nënshkruan një marrëveshje pa mareë kreun e Kuvendit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
