Arsimi

Nora Malaj:Pse nuk bashkohen prindërit dhe të reagojnë për sistemin arsimor

Ish-zv.ministrja e Asrimit Nora Malaj, akuzoi ministren Besa Shahini, për keq menaxhimin e situatës në shkollën “Janaq Kilica” në Fier. E ftuar në studion e Abc News, ajo  foli edhe për drejtoreshën e zyrës vendore arsimore në qytetin e Fierit, Yllka Becin, e cila sipas Malaj nuk duhet të jetë më drejtoreshë e atij institucioni që pas ditës së djeshme.

“Ministrja më mirë të mos kishte dalë se tregoi që vetëm ministre nuk është. Ajo tregoi që nuk e njeh sistemin e  arsimit. Por nuk dua të merrem se ministrja është thjeshtë një kukull. Duhet të jemi realistë me atë që po ndodh në shkolla,” është shprehur ish Ministrja.

Ndër të tjera Malaj tha se nuk e di pse prindërit nuk bashkohen për të reaguar ndaj kësaj ngjarje. Sipas saj me këtë rast dolën në pah të gjitha problemet e sistemit arsimor. Ajo  cilësoi se nëse nuk do të ishte media, kjo çështje do të ishte mbyllur, ashtu sic janë mbyllur edhe të tjera që kanë pasur të bëjnë me ngacmimet seksuale, përdhunimet, apo përdorimi i lëndëve narkotike.

Më Shumë