.png)
Kafshët më të shpejta në botë – në ajër, ujë dhe në tokë.
Shpendi më i shpejtë në botë – Skifteri i hirtë
Kur është në pyetje shpejtësia, Skifteri i hirtë (Falco peregrinus) është kampion absolut botëror, që arrin shpejtësinë afër 400 km/h. Ky lloj skifteri nuk është vetëm shpendi më i shpejtë në botë, por njëkohësisht, dhe kafsha më e shpejtë në botë.
Edhe pse në fluturim standard është ciopa (lloj dallëndysheje) shpendi më i shpejtë në botë, që flururon me shpejtësi prej 160 km/h, skifteri i hirtë edhe më tej konsiderohet kampion botëror me shpejtësinë e matur prej 389 km/h.
Duhet përmendur faktin se këtë shpejtësi skifteri e arrin vetëm kur hidhet fluturimthi për të kapur prenë e tij.
Kur jemi të kampionët, duhet përmendur faktin se, në vitin 2011, shkencëtarët kanë ndjekur një tufë të shapkave të mëdha që fluturonin nga Suedia drejt Afrikës Qendrore. Duket e pabesueshme, mirëpo ato kishin përshkuar 6.760 kilometrarrugë pa u ndalur fare, me shpejtësi konstante 97 km/h.
Peshku më i shpejtë në botë – Marlini i zi
Nëse tashmë keni lexuar informacion për peshqit më të shpejtë në botë, atëherë sigurisht jeni informuar gabimisht, madje dhe nga ueb-faqet shumë serioze, që e prezantojnë peshkun shpatë (sëordfish) si peshkun më të shpejtë – i cili arrin shpejtësinë prej 97 km/h.
Fatkeqësisht, këtu bëhet fjalë për përkthime të gabuara, ku ngatërrrohet “sëordfish” me “sailfish” – një peshk i ngjajshëm, por që arrin shpejtësinë prej 109 km në orë.
Megjithatë, Marlini i zi, është peshku më i shpejtë në botë, që mund të kapë shpejtësinë prej 130 kilometrash në orë.
Kafsha më e shpejtë në Tokë – Gepardi
Gepardi (kujdes: jo Leopardi) është një lloj i maceve të egra që jetojnë në Afrikë dhe në disa vende të Lindjes së Mesme. Në dallim nga shumica e maceve tjera, gepardët janë të vetmit që nuk mund të ngjiten në pemë (vec që mund të kërcejnë deri në degët më të afërta me tokën).
Megjithatë, duket se ngjitja në pemë nuk është fare problem për ta, pasi ato janë cilësuar si kafshët më të shpejta në tokë. Gepardët mund të arrijnë shpejtësinë prej 120 kilometrash në orë dhe të mbajnë këtë shpejtësi deri në 500 metra.
E thënë më qartë se ata mund të arrijnë shpejtësinë prej 100 km në orë për vetëm 3 sekonda.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
