Pas premtimit për uljen e tarifës që kanë marrë vetëm gojarisht nga kryeministri Edi Rama, studentët mund të kenë arritur tashmë realizimin edhe të një kërkese tjetër; atë të përfaqësimit në bordet administrative të universiteteve.
Në një dialog virtual ditën e djeshme kryeministri Rama tha se ka bërë disa propozime konkrete, duke tejkaluar edhe kërkesat e studentëve. Ai u tregua i gatshëm për të financuar me buxhetin e shtetit, arsimin falas për studentë ekselencë dhe të varfër. Gjithashtu, ai u tregua i gatshëm për të boshatisur bordet e universiteteve nga anëtarët e qeverisë dhe për të shtuar investimet në konvikte.
Të martën kryeministri deklaroi se do të shkarkonte të gjithë anëtarët e qeverisë në bordet administrative të universiteteteve.
Burime të brendshme pranë kryeministrisë i thanë gazetës të mërkurën se Kryeministri ka gati një draft me emrat e zyrtarëve të lartë të ministrisë në bordet e universiteteve të cilët do të shkarkohen nga detyra. Por në faqen zyrtare qeveria bën të ditur se lajmi është i pavërtetë
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.