.png)
Një histori sa e pabesueshme, aq edhe e vërtetë. Dhe shumë amerikane. Janar 1982, një pasagjer në bordin e një avioni “United Airlines” shikon nga dritarja.
Vëmendja e tij tërhiqet nga sinjalet me ndërprerje në një errësirë të thellë. Nuk janë dritat e avionëve, por diçka që vjen nga një zonë malore e Kolorados. Shikon mirë dhe vëren se dikush po dërgon një sinjal SOS, duke përdorur fenerët e një automjeti.
Ai paralajmëron kapitenin, i cili, nga ana tjetër, jep koordinatat për kullën e kontrollit. Pavarësisht nga vështirësitë e klimës dhe territorit, fillojnë kërkimet për të identifikuar burimin e mesazhit. Në mes të vrimave të borës, pranë Guanella Pass, gjendet Alan Philips.
Ai u thotë ekipeve të kërkim-shpëtimit: isha i dehur dhe doja të shkoja gjithsesi në shtëpi me makinë, por u bllokova nga stuhia dhe u përplasa.
Aventura e tij përfundoi mirë, TV dhe gazetat flasin për të, duke pasur parasysh rrethanat e pazakonta të vendit ku u gjet. Një aventurë.
Por lajmi për shpëtimin e tij ndiqet nga një tjetër, edhe më shqetësues. Në mbrëmjen e 6 janarit, dy vajza zhduken nga qyteti i Breckenridge, gjithashtu në Kolorado. Annette Schnee, 22 vjeçe dhe Barbara Oberholtzer, 29, nuk erdhën në shtëpi pas një dite pune të zakonshme.
Policia rindërton lëvizjet e fundit pa gjetur elemente të caktuara, ata besojnë se të zhdukurat kanë bërë autostop në rrugë.
Të nesërmen policia lokalizon trupin e pajetë të Annette: ajo ndodhej në një fshat të hapur dhe rezulton se e kishin qëlluar pas shpine. Një vrasje brutale.
Kalojnë gjashtë muaj dhe ata zbulojnë mbetjet trupore të Barbaras në një zonë rurale, e cila kishte pësuar të njëjtin fat të keq. Edhe ajo e vrarë si gruaja tjetër.
Agjentët gjetën veshje, një çantë shpine, sende të ndryshme të shpërndara në një zonë të madhe. Në çantën e Annette, ata gjejnë një foto bardh e zi të një burri, të paidentifikuar kurrë.
Në grupin e gjetjeve - një aspekt themelor - u zbuluan mostra të ADN-së që nuk u përkasin vajzave. Për fat të mirë ato nuk humbasin, rrobat mbeten të ruajtura mirë.
Krimi i dyfishtë angazhon hetuesit, trajtohet nga programet të ndryshme për raste delikate, shumë skenarë hipotezohen, hetimet përfshijnë gjithashtu miq dhe të afërm. Për disa javë, burri i Barbaras hyn në listën e njerëzve me interes për ngjarjen, sepse dyshohet se ka fshehur disa detaje.
Ai i nënshtrohet detektorit të gënjeshtrës, agjentët i kontrollojnë alibinë, por del i pastër. Familja Schnee mbështetet te një hetues privat, Charlie McCormick. Ai është një ish-polic, që zyrtarisht punoi për krimin dhe kur u largua nga departamenti, nuk ndalet së ndjekuri të vërtetën. Pra, ai punoi për familjen Schnee, në fakt falas. Duhet kohë dhe misterit duket se i ka ardhur fundi.
Disa ditë më pare, autoritetet amerikane në Kolorado njoftuan arrestimin e Alan Phillips, njeriut të shpëtuar në dëborë nga stuhia. Ai u akuzua si vrasësi i dyshuar, edhe pse arriti të jetojë në liri disa milje nga vendi ku e kishin gjetur atë.
Ai është një ish-mekanik, 70 vjeç tashmë dhe është baba i tre fëmijëve. Identifikimi u bë i mundur me përdorimin e një teknike, tani të përdorur gjerësisht që kryqëzon bazat e të dhënave të ADN-së (jo vetëm ato gjyqësore), gjenealogjinë dhe verifikimet e pafundme. Në çështjen “Phillips”, 12,000 emra u shqyrtuan deri në gjetjen e vrasësit të dyshuar.
Me gjasë, atë natë ai i mori vajzat për një udhëtim me makinë dhe më pas i qëlloi për vdekje, pastaj u nis për t’u larguar derisa u bllokua nga stuhia. Për momentin, motivi i vrasjeve nuk është specifikuar.
Përshtati në shqip: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
