Një gotë verë në ditë ju mban larg shumë sëmundjeve

Asgjë nuk është më e mirë se sa të shijosh një gotë verë pas një dite të vështirë. Kjo pije e mrekullueshme mbush trupin me energji pozitive dhe ndihmon në mirëqënien fizike dhe emocionale. Për më tepër mund t’ju ndihmojë në rritjen e imunitetit dhe në ruajtjen e kujtesës. Ja disa nga arsyet pse duhet të pini verë:

Mbron zemrën dhe përmirëson qarkullimin e gjakut: Vera shquhet për cilësitë shëruese që përmban, por sasia që konsumoni është shumë e rëndësishme për shëndetin tuaj.

Më poshtë janë disa nga vetitë shëruese të verës.

Shton jetëgjatësinë
Studiuesit në Harvard kanë zbuluar se një përbërës i gjetur në lëkurën e rrushit të kuq, ka veti anti-plakje që stimulojnë prodhimin e një proteine që mbron trupin nga sëmundjet që vijnë me plakjen.

Përmirëson kujtesën
Resveratroli mund të ndihmojë edhe në përforcimin e kujtesës afatshkurtër. Pas një testimi 30 minutash, studiuesit panë se ata që merrnin suplemente resveratroli kishin një rritje të ndjeshme të aftësisë për të mbajtur mend disa fjalë dhe performancë më të shpejtë të pjesës së trurit përgjegjëse për emocionet, formimin e kujtimeve të reja dhe nxënien.

Ul rrezikun e sëmundjeve të zemrës
Një studim i kryer në vitin 2007 ka sugjeruar se disa përbërës të gjetur në rrushin e kuq, ndihmojnë në promovimin e shëndetit kardiovaskular. Verërat e prodhuara në Jug-Perëndim të Francës dhe Sardenjë, ku njerëzit kanë jetëgjatësi më të lartë, kanë në përbërjen e tyre sasi më të mëdha të këtij përbërësi. Një tjetër studim në Harvard ka zbuluar se pirësit e moderuar të verës së kuqe kanë më pak mundësi të pësojnë atak kardiak.

Forcon shëndetin e syve
Një studim i kryer në Islandë ka zbuluar se pirësit e moderuar të verës së kuqe kanë 32% më pak mundësi për të pësuar katarakte sesa ata që nuk konsumojnë verë.

Ul rrezikun e kancerit
Sipas Universitetit të Virxhinias, një proteinë e gjendur në lëkurën e rrushit, mund të vrasë qelizat e kancerit. Resveratroli mund t’i vdesë këto qeliza duke bllokuar zhvillimin e proteinës që i ushqen ato.

Përmirëson shëndetin dentar
Antioksidantët e gjendur në verën e kuqe ngadalësojnë zhvillimin e baktereve në gojë dhe po kështu edhe të kaviteteve.

Ul nivelin e kolesterolit
Varietetet të pasura në fibra mund të ulin nivelin e kolesterolit në gjak. Pjesëmarrësve të shëndetshëm në një studim iu dhanë suplemente të rrushit që gjenden në verën e kuqe. Tek ata u pa një ulje prej 9% të kolesterolit “të keq” që bllokon arteriet. Pjesëmarrësit më nivele të larta kolesteroli, patën një rënie prej 12%.

Ndihmon në parandalimin e ftohjes
Falë antioksidantëve që ndodhen në verën e kuqe, ata që pinë gati 14 gota verë të kuqe në javë, kanë 40% më pak mundësi për t’u ftohur.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.