.png)
Në Shkodër është bërë shkrepja e parë fotografike mbas 170 vitesh në teknikën e kolodiumit të lëngshëm- teknika me të cilën mjeshtri i fotografisë Pietro Marubbi filloi rrugëtimin e fotografisë shqiptare.
Ka qenë fotografi gjerman Maximilian Zeitler që ka mbajtur një masterclass mbi realizimin e procesit të kolodiumit të lëngshëm, në Muzeun Kombëtar të Fotografisë “Marubi”.
Pjesëmarrësit e punëtorisë Orestia Kapidani, Majlinda Hoxha, Vigan Nimani, Ergys Vela dhe Dritan Ziu.
“Punëtoria zbuloi joshjen magjepsëse të fotografisë me pllaka të kolodiumit të lëngshëm. Çdo gjë rreth procesit të ndërlikuar të veshjes së pllakave të qelqit ose metalit me kolodium dhe sensibilizimit të tyre me nitrat argjendi dhe rastin delikat të ekspozimit dhe zhvillimit të këtyre pllakave, duke prodhuar imazhe eterike, unike që zotërojnë një bukuri të pashembullt të cilësisë së mirë”, thuhet nga Muzeu Marubi rreth masterclassit të mbajtur nga fotografi gjerman Maximilian Zeitler.
Maximilian Zeitler i lindur në Mynih në 1987, është fotograf dhe specialist në mësimdhënien e proceseve historike të fotografisë.
Ai ka hapur ekspozitat vetjake në Hous am Mierendorffplatz në Berlin (2017) dhe në Vazerol14 Galerie në Zvicrës (2022). Ai gjithashtu është pjesëmarrës në disa ekspozita kolektive në Monumenta në Laipzig (2018), LiteHouse Galeri në Berlin (2019) dhe R116 Gallery në Berlin (2023). Ai është autor i PhotoKlassik (2022) dhe The Hand Magazine (2023). Në 2019 ai u shpall dhe fitues i çmimit të parë për fotografinë e peizazhit dhe arkitekturës të realizuar në teknikën e kolodiumit modern.
Ky aktivitet u mbështet nga Goethe Zentrum Tirana.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
