Një e porsalindur 27-vjeçare. Historia e embrionit të ngrirë

Kur Molly Gibson lindi në tetor të këtij viti, ajo ishte 27 vjeçe. Si? Embrioni i saj ishte ngrirë në tetor 1992 dhe qëndroi ashtu deri në shkurt të vitit 2020, kur Tina dhe Ben Gibson nga Tenesi e adoptuan atë. Molly besohet se ka vendosur një rekord të ri për embrionin me ngrirjen më të gjatë që ka rezultuar në një lindje, duke thyer një rekord të vendosur nga motra e saj e madhe, Emma."Jemi duke fluturuar. Nëse do më kishin thënë para 5 vitesh se do të kisha dy vajza, nuk do e kisha besuar" tha Tina.

Familja luftoi me infertilitetin për gati pesë vjet para se prindërit e Tinës të shihnin një histori rreth birësimit të embrionit në një stacion lokal të lajmeve.
"Kjo është arsyeja e vetme pse ne ndajmë historinë tonë. Nëse prindërit e mi nuk do ta kishin parë këtë në lajme, atëherë ne nuk do të ishim këtu," tha Gibson, 29 vjeçe, praktikisht vetëm 2 vite më e madhe se vajza e saj.
Gibson, një mësuese e shkollës fillore dhe burri i saj, një analist 36-vjeçar i sigurisë kibernetike, u lidhën me Qendrën Kombëtare të Dhurimit të Embrioneve (NEDC), një organizatë jofitimprurëse në Knoxville që ruan embrione të ngrira. Familjet si Gibsons mund të adoptojnë një nga embrionet e papërdorura dhe të lindin një fëmijë që nuk është i lidhur gjenetikisht me ta. Sipas NEDC, janë rreth një milion embrione të ngrira njerëzore të ruajtura në Amerikë tani.
Mark Mellinger, drejtori i marketingut i NEDC, tha se përvoja me infertilitetin është e zakonshme në mesin e familjeve që kërkojnë dhurime të embrioneve.
"Unë do të thoja se ndoshta 95% kanë hasur në një lloj infertiliteti dhe ne ndjehemi të nderuar dhe të privilegjuar për të bërë këtë punë dhe të ndihmojmë këto çifte të rritin familjet e tyre. Pas birësimit të tyre të parë të embrionit, Gibson lindi Emën në 2017.
E themeluar 17 vjet më parë, NEDC ka lehtësuar më shumë se 1000 birësime dhe lindje të embrioneve dhe tani kryen rreth 200 transferime çdo vit. Ngjashëm me një proces tradicional të birësimit, çiftet mund të vendosin nëse do të dëshironin një birësim të embrionit "të mbyllur" ose një "të hapur" duke lejuar një formë kontakti me familjen dhuruese. Ky kontakt varion midis disa postave elektronike çdo vit në një marrëdhënie si kushërinj, tha Mellinger. Çiftet paraqiten me 200-300 profile dhuruesish, të kompletuara me historinë demografike të familjes dhuruese. Gibsons kishin kërkuar një fëmijë për kaq shumë kohë dhe "ne nuk na interesonte se si dukej kjo foshnjë, nga lindi", tha Gibson.
Ajo kërkoi këshilla nga NEDC ku një punonjës i tha asaj të zgjidhte pa u menduar, të shkonte aty ku i thotë zemra.
Fëmijët e Gibson, Molly dhe Emma, janë motra gjenetike. Të dy embrionet u dhuruan dhe u ngrinë së bashku në 1992, kur Tina Gibson ishte rreth një vjeç. Sipas NEDC, embrioni 24-vjeçar i Emës ishte më i vjetri në histori që ka lindur, derisa erdhi Molly këtë vit.
"Emma e do motrën e saj të vogël. Ajo e prezanton atë me këdo." tha Gibson.

Sipas NEDC, afati i ruajtjes së embrioneve të ngrira është i pafund.
"Një ditë, nuk është çudi nëse lind dhe një embrion 30-vjeçar." tha Mellinger.

Burimi: BBC. Përshtati: Gazeta "Si"

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.