Një ditë para 28 nëntorit, pllakat metalike të Monumentit të Pavarësisë në Parkun “Rinia” janë vjedhur sërish për skrap. Akti vandal është zbuluar herët në mëngjes nga punonjësit e Agjencisë së Parqeve dhe Rekreacionit në Bashkinë e Tiranës, të cilët duhet thënë se nuk është hera e parë që gjenden përpara një akti të tillë. Edhe herë elementët metalikë të këtij monumenti janë vjedhur për t’u zëvendësuar më pas nga Bashkia e Tiranës. Akte të tjera dëmtimi të këtij monumenti janë shënuar edhe në rastet kur hidhen mbishkrime nga ana e qytetarëve krahas atyre të firmëtarëve të Pavarësisë.
Monumenti i Pavarësisë u vendos në mes të Parkut “Rinia” me rastin e 100-vjetorit të lindjes së shtetit shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.