Gazeta Si - Shqipëria ka nisur zbatimin e marrëveshjes të nënshkruar me Britaninë e Madhe për të burgosurit shqiptarë në shtetin ishullor.
Kjo vjen pas nënshkrimit të komunikatës së përbashkët mes Kryeministrit Edi Rama dhe atij britanik Rishi Sunak në Dhjetor 2022.
Ministria e Drejtësisë bën me dije se 200 të burgosur shqiptarë në burgjet e Anglisë dhe Uells që vuajnë dënime prej 4 vjetësh ose më shumë do të kthehen në dy vitet e ardhshme për të kryer pjesën e mbetur të dënimit në burgjet shqiptare.
Falë marrëveshjes, pala britanike do të paguajë kostot e strehimit të të burgosurve për gjatë gjithë kohëzgjatjes së dënimit të tyre në vendin tonë dhe Shqipëria do të mund të rrisë investimet për përmirësimin e mëtejshëm të kushteve në sistemin e burgjeve.
Ministria Drejtësisë, e cila përmes ministrit Ulsi Manja udhëhoqi procesin e marrëveshjes për të burgosurit me Britaninë e Madhe, publikoi detajet e para të kësaj marrëveshje.
Në deklaratën për median, Ministria a Drejtësisë thuhet se brenda dy vitesh pritet të kthehen drejt vendit tonë 200 të burgosur.
Kështu, 200 të burgosur shqiptarë në burgjet e Anglisë dhe Uells që vuajnë dënime prej katër vjetësh ose më shumë do të kthehen në dy vitet e ardhshme për të kryer pjesën e mbetur të dënimit në burgjet shqiptare.
Falë marrëveshjes, pala britanike do të paguajë kostot e strehimit të të burgosurve për gjatë gjithë kohëzgjatjes së dënimit të tyre në vendin tonë dhe Shqipëria do të mund të rrisë investimet për përmirësimin e mëtejshëm të kushteve në sistemin e burgjeve.
"Ndërkohë që u japim mundësinë të dënuarve shqiptarë në Britaninë e Madhe, të shlyejnë pjesën e mbetur të dënimit pranë familjeve të tyre, Shqipëria do të mund të fuqizojë edhe më tej kapacitetet e sistemit penitenciar”, - thuhet në dosjen e marrëveshjes shqiptaro-britanike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.